தற்போது நிலவி வரும் விலைவாசி உயர்வினால் பொதுமக்கள் கடுமையாக பாதிக்கப்பட்டு வருவதாக, செந்தோசா சட்டமன்ற உறுப்பினர் மாண்புமிகு டாக்டர் குணராஜ் தெரிவித்துள்ளார்.
இந்நிலையை முன்னிட்டு, மக்கள் தேவையற்ற ஆடம்பர செலவுகளைத் தவிர்த்து, சிக்கனமான வாழ்க்கை முறையை கடைப்பிடிக்க வேண்டும் என அவர் அறிவுறுத்தினார்.
மேலும் அவர் கூறுகையில்,
“விலைவாசி உயர்வு காலத்தில் குடும்பச் செலவுகளை திட்டமிட்டு நிர்வகிப்பது மிகவும் அவசியம். தேவையற்ற செலவுகளை குறைத்து, சேமிப்பு பழக்கத்தை வளர்த்துக் கொண்டால், பொருளாதார சவால்களை எளிதாக சமாளிக்க முடியும்,” என்றார்.
இந்த சூழ்நிலையில், ஒவ்வொரு குடும்பமும் சிக்கனத்தை முன்னிலைப்படுத்தி வாழும் பழக்கத்தை உருவாக்கிக் கொள்ள வேண்டும் என்றும், இது எதிர்காலத்திற்கு பாதுகாப்பான வாழ்க்கையை உறுதி செய்யும் என்றும் டாக்டர் குணராஜ் வலியுறுத்தினார்.