புதிதாகப் பிறந்த தனது பெண் குழந்தையை 10ஆவது மாடியிலிருந்து கீழே வீசி கொன்றதாக குற்றம் சாட்டப்பட்ட 22 வயது பெண் ஒருவர், இன்று நீதிமன்றத்தில் குற்றத்தை ஒப்புக்கொண்டுள்ளார்.
குற்றச்சாட்டின்படி, கடந்த மே 20ஆம் தேதி ஜோகூர் பாருவில் உள்ள ஒரு அடுக்குமாடி குடியிருப்பில் இந்தச் சம்பவம் இடம்பெற்றதாக கூறப்படுகிறது. ஆரம்ப விசாரணைகளில், உயிரிழந்த குழந்தை அப்பெண்ணின் இரட்டைக் குழந்தைகளில் ஒருவராக இருந்தது தெரியவந்துள்ளது. இந்தச் சம்பவம் நாடு முழுவதும் பெரும் அதிர்ச்சியை ஏற்படுத்தியுள்ளது.
நீதிமன்றத்தில் ஆஜர்படுத்தப்பட்ட அப்பெண், தனது மற்றொரு புதிதாகப் பிறந்த குழந்தையை கவனித்துக்கொள்ள வேண்டிய அவசியம் இருப்பதாக தெரிவித்தார். இதனை கருத்தில் கொண்டு, நீதிமன்றம் அவரை 20,000 ரிங்கிட் பிணையில் விடுவிக்க அனுமதி வழங்கியது.
இந்த வழக்கு தொடர்பான மேலதிக விசாரணை மற்றும் சட்ட நடவடிக்கைகளுக்காக வழக்கு ஜூலை 3ஆம் தேதிக்கு ஒத்திவைக்கப்பட்டுள்ளது. குற்றம் நிரூபிக்கப்பட்டால், அப்பெண்ணுக்கு அதிகபட்சமாக 30 ஆண்டுகள் வரை சிறைத்தண்டனையும் அபராதமும் விதிக்கப்படலாம்.
