ஜசெக-வின் தலைமைச் செயலாளராக மூன்று தவணைகளாக செயல்பட்டு வரும் லிம் குவான் எங்கிற்கு பதிலாக, சிரம்பான் எம்.பி.யும் போக்குவரத்து முன்னாள் அமைச்சருமான அந்தோனி லோக் நியமிக்கப்படலாம் என கட்சி வட்டாரத்தில் எதிர்பார்க்கப்படுகிறது. மார்ச் 20-இல் நடைபெற இருக்கும் ஜசெக பேராளர்க் கூட்டத்தில் தேர்ந்து எடுக்கப்பட விருக்கும் மத்திய செயலவை உறுப்பினர்களின் எண்ணிக்கை 20-லிருந்து 30 ஆக உயர்த்தப்பட்டுள்ள நிலையில், அக்கட்சியின் மூத்த தலைவரான 81 வயது லிம் கிட் சியாங் மீண்டும் மத்திய செயலவைக்கு போட்டியிடுகிறார். அவரின் மகனான லிம் குவான் எங், மகள் Hui Ying ஆகியோரும் மத்திய செயலவைக்கு போட்டியிடுகின்றனர்.
