மலேசிய ஊழல் தடுப்பு ஆணையம் (MACC) தலைமை ஆணையரை நியமிப்பது குறித்து மாமன்னர் சுல்தான் இப்ராஹிம் நேரடியாகத் தீர்மானிப்பார் என அறிவிக்கப்பட்டுள்ளது.
இந்த விவகாரத்தை எந்த தரப்பும் அரசியலாக்க தேவையில்லை என்றும், இந்தப் பதவி நாட்டில் ஊழல், அதிகார துஷ்பிரயோகம் மற்றும் தவறான செயல்களை தடுக்கும் முக்கிய பொறுப்பாகும் என்றும் மன்னர் வலியுறுத்தினார்.
“எம்.ஏ.சி.சி-யை எதிர்காலத்தில் வழிநடத்த மிகவும் தகுதியான நபரை நான் தீர்மானிப்பேன்,” என்று மன்னர் வெளியிட்ட அறிக்கையில் தெரிவித்துள்ளார்.
தற்போதைய எம்.ஏ.சி.சி தலைமை ஆணையர் தான் ஸ்ரீ அஸாம் பாகி (63), கடந்த மார்ச் 9, 2020 அன்று இந்தப் பதவிக்கு நியமிக்கப்பட்டார்.
அவரது ஒப்பந்தம் வரும் மே 12ஆம் தேதி முடிவடையவுள்ளது.
அஸாம் பாகி:
2023 மே மாதத்தில் ஒரு ஆண்டுக்கு மீண்டும் நியமிக்கப்பட்டார்
2024 மே மாதத்தில் இரண்டாவது நீட்டிப்பு வழங்கப்பட்டது
2025 மே மாதத்தில் மூன்றாவது நீட்டிப்பும் வழங்கப்பட்டது
இந்தப் பதவிக்கு முன்பு, அவர் 2016 முதல் எம்.ஏ.சி.சி துணை தலைமை ஆணையராக (செயற்பாடுகள்) நான்கு ஆண்டுகள் பணியாற்றியுள்ளார்.
மேலும், புலனாய்வு இயக்குநர் மற்றும் விசாரணை இயக்குநர் உள்ளிட்ட பல முக்கிய பொறுப்புகளிலும் பணியாற்றிய அனுபவம் கொண்டவர்.
இந்த நியமனம் குறித்து விரைவில் முக்கிய தீர்மானம் வெளியாகும் என எதிர்பார்க்கப்படுகிறது.
