செந்தோசா சட்டமன்றத் தொகுதியை மேலும் சுத்தமாகவும் பசுமையாகவும் மாற்றும் நோக்கில், Clean & Green DUN Sentosa 2026 திட்டம் செந்தோசா சட்டமன்ற உறுப்பினர் மாண்புமிகு டாக்டர் குணராஜ் அவர்களின் தலைமையில் அதிகாரப்பூர்வமாக தொடங்கி வைக்கப்பட்டது. இந்நிகழ்ச்சியை கிள்ளான் அரச மாநகர் மன்ற (MBDK) மேயர் டத்தோ ஹாஜி அப்துல் ஹமீட் ஹுசைன் சிறப்பு விருந்தினராக கலந்து கொண்டு தொடங்கி வைத்தார்.
அவரது வருகை நிகழ்ச்சிக்கு மேலும் சிறப்பூட்டியதோடு, செந்தோசா மக்களிடையே சுற்றுச்சூழல் பாதுகாப்பு மற்றும் தூய்மை குறித்த விழிப்புணர்வை வலுப்படுத்தும் ஊக்கத்தையும் வழங்கியதாக ஏற்பாட்டாளர்கள் தெரிவித்தனர். செந்தோசா தொகுதியை சுத்தமான, பசுமையான மற்றும் நிலைத்தன்மை கொண்ட சமூகமாக மாற்றுவதற்கான உறுதியை இந்த நிகழ்ச்சி வெளிப்படுத்துவதாகவும் குறிப்பிடப்பட்டது.
இந்நிகழ்வில் KDEB Waste Management, MBDK, N48 மன்ற உறுப்பினர்கள், குடியிருப்பாளர் சங்கங்கள், ருக்குன் தெத்தாங்கா (KRT) அமைப்புகள், அரசு சாரா அமைப்புகள் (NGO), பல்வேறு சமூக அமைப்புகள் மற்றும் தன்னார்வலர்கள் உள்ளிட்ட பலர் கலந்துகொண்டனர். சமூக மேம்பாடு மற்றும் சுற்றுச்சூழல் பாதுகாப்பில் தொடர்ந்து பங்களித்து வரும் அனைத்து தரப்பினரின் ஒத்துழைப்பும் பாராட்டப்பட்டது.
இந்தத் திட்டம் வெறும் ஒரு நிகழ்ச்சியாக இல்லாமல், சமூகத்தில் தூய்மை, சுற்றுச்சூழல் பாதுகாப்பு மற்றும் நல்ல அயலுறவு கலாச்சாரத்தை வளர்க்கும் நீண்டகால இயக்கத்தின் தொடக்கமாகும். வருங்கால தலைமுறைகளுக்காக சுத்தமான, பசுமையான மற்றும் நிலையான செந்தோசாவை உருவாக்க அனைவரும் ஒன்றிணைந்து செயல்பட வேண்டும் என்று மாண்புமிகு டாக்டர் குணராஜ் குறிப்பிட்டார். மேலும், திட்ட இயக்குநர் தர்மராஜ் மற்றும் Clean & Green குழுவினருக்கு நிகழ்ச்சியை வெற்றிகரமாக ஏற்பாடு செய்ததற்காக பாராட்டுகள் தெரிவிக்கப்பட்டன.
