மலாக்கா மாநிலத் தேர்தலை எதிர்கொள்ளும் பொருட்டு தேர்தல் கொள்கை அறிக்கையை நேற்று பக்கத்தான் ஹரப்பான் வெளியிட்டது. ஹராப்பானுடன் மலாக்கா என்ற திட்டத்தை பக்கத்தான் தொடங்கியுள்ளது. இத்திட்டத்தை மாநில முதல்வருக்கான வேட்பாளர், அட்லி ஸாஹாரி வெளியிட்டார். இதில் 3 அடிப்படை, 6 உத்திகள், 32 திட்டங்கள் அடங்கியுள்ளன. மலாக்கா மாநில தேர்தலில் பக்கத்தான் ஹரப்பான் வெற்றி பெற்றால் எதிர்கட்சித் தலைவரின் தகுதி ஆட்சிக்குழு உறுப்பினருக்கு இணையாக்கப்படும். அதோடு மட்டுமின்றி கட்சி பேதமின்றி ஒவ்வோரு சட்டமன்ற உறுப்பினருக்கும் சரிசமமான மானியம் ஒதுக்கீடு செய்யப்படும் என்று அவர் சொன்னார்.