எண்ணெய் விலைகள் திடீரென உயர்ந்தால், மக்களை பாதுகாக்க மத்திய தரவுத்தள மையம் (PADU) இணைந்த பண உதவி திட்டம் ஒரு சிறந்த தீர்வாக இருக்கலாம் என்றாலும், தகவல் குறைபாடுகள் மற்றும் செயல்படுத்தும் சவால்கள் அதன் பயன்திறனை பாதிக்கக்கூடும் என்று பொருளாதார நிபுணர்கள் எச்சரிக்கை விடுத்துள்ளனர்.
பொருளாதார நிபுணர் சமிருல் அரிஃப் ஒஸ்மான் கூறுகையில், PADU மூலம் வழங்கப்படும் பண உதவி முறை, பெட்ரோல் நிலையங்களில் வழங்கப்படும் பொதுவான மானியத்தை விட சிறந்ததாக இருக்கும் என்று தெரிவித்துள்ளார்.
“எண்ணெய் விலை திடீரென அதிகரிக்கும் சூழ்நிலையில், இந்த முறை அரசு நிதி அழுத்தத்தை குறைக்க உதவும். மேலும், எரிபொருள் விலையையும் குடும்பங்களுக்கான பாதுகாப்பையும் தனித்தனியாக நிர்வகிக்க முடியும்,” என்றார்.
அதாவது, பொதுவான எரிபொருள் மானிய முறையில் அனைவருக்கும் ஒரே மாதிரி உதவி கிடைக்கும் நிலையில், PADU முறை மூலம் உண்மையில் உதவி தேவைப்படும் குடும்பங்களுக்கு நேரடியாக நிதி வழங்க முடியும் என்பது அதன் முக்கிய நன்மையாக பார்க்கப்படுகிறது.
ஆனால், இந்த திட்டத்தை முழுமையாக செயல்படுத்துவதற்கு தேவையான துல்லியமான தரவுகள், பதிவுகள் மற்றும் அமைப்பு சீரமைப்பு ஆகியவை இன்னும் முழுமையாக தயார் நிலையில் இல்லாததால், நடைமுறையில் பல சவால்கள் இருக்கலாம் என்றும் நிபுணர்கள் தெரிவித்துள்ளனர்.
எனவே, PADU அடிப்படையிலான பண உதவி முறை ஒரு நல்ல தீர்வாக இருந்தாலும், அதன் வெற்றிக்கு தரவுத்தளத்தின் துல்லியம் மற்றும் செயல்திறன் முக்கியம் என்பதையும் அவர்கள் வலியுறுத்தியுள்ளனர்.