💍 டத்தோ ராமநாதன் செட்டியார் மகள் திருமணம்; கடியாபட்டியில் விருந்து நிகழ்ச்சி சிறப்பாக நடைபெற்றது!

பிரபல தொழிலதிபர் டத்தோ ராமநாதன் செட்டியாரின் மகளின் திருமண விழா எதிர்வரும் 25ஆம் தேதி வியாழக்கிழமை விராச்சிலை இல்லத்தில் சிறப்பாக நடைபெறவுள்ளது. இந்த திருமண நிகழ்வில் அரசியல், தொழில், சமூக மற்றும் பல்வேறு துறைகளைச் சேர்ந்த முக்கிய பிரமுகர்கள் கலந்துகொள்ள உள்ளதாக தெரிவிக்கப்பட்டுள்ளது.

திருமண விழாவை முன்னிட்டு கடியாபட்டி சிதம்பர மண்டபத்தில் நேற்று விருந்து உபசரிப்பு நிகழ்ச்சி நடைபெற்றது. இந்த நிகழ்ச்சியில் மலேசியாவைச் சேர்ந்த பல்வேறு சமூகத் தலைவர்கள், தொழிலதிபர்கள் மற்றும் சிறப்பு விருந்தினர்கள் கலந்து கொண்டு மணமக்கள் குடும்பத்தினருக்கு தங்களது வாழ்த்துகளைத் தெரிவித்தனர்.

குறிப்பாக, டத்தோ கிருஷ்ணன், மலேசிய தமிழ் பத்திரிகையாளர் சங்கத் தலைவர் முத்தமிழ் மன்னன் உள்ளிட்ட பல முக்கிய பிரமுகர்கள் இந்த நிகழ்வில் பங்கேற்று சிறப்பித்தனர். மலேசியாவிலிருந்து ஏராளமான உறவினர்கள், நண்பர்கள் மற்றும் சமூகப் பிரமுகர்களும் நிகழ்வில் கலந்துகொண்டனர்.

நிகழ்ச்சியில் கலந்து கொண்ட அனைவரையும் டத்தோ ராமநாதன் செட்டியார் அன்புடன் வரவேற்று நன்றியைத் தெரிவித்தார். வரவிருக்கும் திருமண விழா சிறப்பாக நடைபெற தேவையான அனைத்து ஏற்பாடுகளும் செய்யப்பட்டுள்ளதாகவும் குடும்பத்தினர் தெரிவித்தனர்.