நார்ச்சத்து நிறைந்த ஓட்ஸ் ப்ரோக்கோலி சூப்

தேவையான பொருட்கள் :
ஓட்ஸ் – கால் கப்
ப்ரோக்கோலி – 2 மொட்டுகள்
ஓமம் – கால் டீஸ்பூன்
பச்சை மிளகாய் – 1
பிரிஞ்சி இலை – சிறிதளவு
இஞ்சி – 1 துண்டு
பால் – அரை கப்
சர்க்கரை – அரை டீஸ்பூன்
தனியாதூள், மிளகுதூள் – அரை டீஸ்பூன்
வெண்ணெய் – 1 டேபிள்ஸ்பூன்
உப்பு – தேவைக்கு

செய்முறை:
ப.மிளகாய், இஞ்சியை பொடியாக நறுக்கி கொள்ளவும். குக்கரில் வெண்ணெய்யை ஊற்றி அது சூடானதும் ப்ரோக்கோலி மொட்டுகள், பிரிஞ்சி இலையை போட்டு கிளறவும். பின்பு பால், ஓட்ஸ், மிளகாய், இஞ்சி ஆகியவற்றை சேர்த்து குக்கரை மூடி வேகவைக்கவும். ஒரு விசில் வந்ததும் இறக்கி மிளகாய், இஞ்சி ஆகியவற்றை தனியாக எடுத்துவிட்டு மற்றவற்றை மிக்சியில் போட்டு விழுதாக அரைத்துக்கொள்ளவும். பின்பு அவற்றை வடிகட்டிக்கொள்ளவும். பின்னர் வடிகட்டிய கலவையை குக்கரில் கொட்டி அதனுடன் உப்பு, ஓமம், சர்க்கரை, சிறிதளவு தண்ணீர் சேர்த்து சிறு தீயில் கொதிக்கவிட்டு இறக்கவும். அதனுடன் தனியாதூள், மிளகு தூள் தூவி பரிமாறலாம்.