தேசிய திரைப்பட வாரியம்,ஃபினாஸ்) சட்டம் 1981-இல் முன்மொழியப்பட்ட திருத்தங்களில் ஓடிடி தளங்களின் சேவைகளின் தணிக்கை இடம்பெறாது.
இந்தச் சட்டம் திரைப்படத் தயாரிப்பு செயல்முறையில் அதிக கவனம் செலுத்துவதால் இது சாத்தியம் என்று தகவல் தொடர்பு அமைச்சர் டத்தோ ஃபஹ்மி ஃபட்சில் கூறினார்.
திரைப்படத் தணிக்கை ஒரு தனி அமைப்பின் அதிகார வரம்பிற்குள் உள்ளது என்று அவர் மீண்டும் வலியுறுத்தினார்.
தணிக்கை ஃபினாஸ் சட்டத்தின் அல்ல, திரைப்படத் தணிக்கை வாரியத்தின் அதிகார வரம்பிற்குள் வருகிறது என்று அவர் கூறினார்.
அரசாங்கச் செய்தித் தொடர்பாளராக இருக்கும் ஃபஹ்மி, தனது வாராந்திர அமைச்சரவைக் கூட்டத்திற்குப் பிந்தைய செய்தியாளர் சந்திப்பின் போது ஒரு கேள்விக்கு பதிலளித்தார்.
அமைச்சரவை கொள்கையளவில் சட்டத்தில் திருத்தங்களை அங்கீகரித்துள்ளதாகவும் இது தொழில்துறை பங்குதாரர்களுடன் மேலும் ஆலோசனைக்கு வழி வகுப்பதாகவும் அவர் கூறினார்.
முன்மொழியப்பட்ட திருத்தங்களைச் செம்மைப்படுத்தும் அதே வேளையில், ஃபினாஸ் பல்வேறு பங்குதாரர்களுடன் தொடர்ந்து ஈடுபடும் என்றும் அவர் கூறினார்.
திருத்தங்கள் நாடாளுமன்றத்தை அடைந்தவுடன், ஒருவேளை ஜூன் கூட்டத் தொடரிலோ அல்லது ஆண்டு இறுதியிலோ, பார்வையாளர்கள் இனி திரையரங்குகளில் மட்டுமல்லாமல் தங்கள் தனிப்பட்ட சாதனங்களிலும் திரைப்படங்களைப் பார்க்கும் வகையில் சட்டம் மேம்படுத்தப்படும் என்று நம்புகிறோம் என்று அவர் கூறினார்.