📰 தனிப்பட்ட தரவுகள் சேகரிப்பு – தேசிய பாதுகாப்புக்கு அச்சுறுத்தல் என பிபிபி தலைவர் கண்டனம்!

மலேசியாவில் கைப்பேசி தரவுகளை அரசு சேகரிக்க திட்டமிடுவது, பெரும் தனியுரிமை மீறலாகவும் அச்சுறுத்தலாகவும் உள்ளது என்று மக்கள் முற்போக்குக் கட்சி (பிபிபி) தேசியத் தலைவர் டத்தோ டாக்டர் லோகபாலா கடுமையாக விமர்சித்துள்ளார்.

அவரது கருத்துப்படி:

“மலேசிய தகவல் மற்றும் மல்டிமீடியா ஆணையம் (MCMC), கைப்பேசி சேவை நிறுவனங்களிடமிருந்து (MNO) தரவுகளை பெறுவது, 2010ஆம் ஆண்டு தனிப்பட்ட தரவு பாதுகாப்பு சட்டமான Akta 709-க்கு நேரடி முரணாகும்.“

🧾 2025 முதல் காலாண்டு முதலாக, பயனர்களின் பேச்சு பதிவு மற்றும் இணைய பயன்பாடு தொடர்பான தகவல்களை சேகரிக்க MCMC அழுத்தம் கொடுப்பதாகவும், இது பயனர்களின் முன்னாள் ஒப்புமை இல்லாமல் நடைபெறுவதால் அபாயகரமான நடவடிக்கையாக இது பார்க்கப்பட வேண்டும் என்றும் அவர் சாடினார்.

🔐 தரவுகள் கசியும் அபாயம்:

• Whoscall அறிக்கையின் படி, 2024 ஆம் ஆண்டில் மலேசியா ஆசியாவில் அதிக அளவில் தனிப்பட்ட தரவுகள் கசியும் நாடாக குறிப்பிடப்பட்டுள்ளது.
• அதில், 72.5% பயனர்கள் தங்கள் தனிப்பட்ட தகவல்கள் கசிந்தது உணர்ந்துள்ளனர்.
• இதனால், RM1.57 பில்லியன் நஷ்டம் ஏற்பட்டுள்ளதாக கூறப்படுகிறது.

🗣 டத்தோ டாக்டர் லோகபாலா தொடர்ந்து கூறியதாவது:

“இத்தகைய தரவுகள் கசிவது, அந்த நபரின் தனிப்பட்ட வாழ்க்கையே பாதிக்கும் அளவுக்கு வளர்ந்துவிட்டது. அரசு மற்றும் சம்பந்தப்பட்ட நிறுவனங்கள் இந்த தரவுகளை பாதுகாப்பதில் கடுமையான நடவடிக்கைகளை எடுக்க வேண்டும்.“

📢 அரசுக்கு வேண்டுகோள்:

• பயனர்களின் ஒப்புமை இல்லாமல் எந்தவிதமான தனிநபர் தகவல்களும் சேகரிக்கப்படக்கூடாது.
• Akta 709 சட்டம் கடைபிடிக்கப்பட வேண்டும்.
• பொது நம்பிக்கையை சிதைக்கும் செயல்களிலிருந்து அரசு விலகவ வேண்டும்.

🔚 தனிநபர் உரிமைகள் மற்றும் தரவு பாதுகாப்பு மீதான விவாதங்கள் மலேசியாவில் புதிய பரிமாணம் அடைந்துள்ளன. இது தொடர்பான அரசு நடவடிக்கைகள் எதிர்வரும் நாட்களில் கவனிக்கப்படும் முக்கிய விடயமாக இருக்கும்.