மக்களவை மற்றும் மாநில சட்டப்பேரவைகளில் பெண்களுக்கு 33 சதவீத இடஒதுக்கீடு வழங்கும் நோக்கில் கொண்டு வரப்பட்ட மகளிர் இடஒதுக்கீடு மசோதா, நாடாளுமன்றத்தில் நடைபெற்ற வாக்கெடுப்பில் போதிய ஆதரவு பெறாததால் தோல்வியடைந்தது.
முன்னதாக, 2023ஆம் ஆண்டு இந்த இடஒதுக்கீட்டு சட்டம் நிறைவேற்றப்பட்ட நிலையில், அதை நடைமுறைப்படுத்தும் முயற்சியாக புதிய அரசியல் சாசன திருத்த மசோதாக்கள் கொண்டு வரப்பட்டிருந்தன. இதன்படி, தற்போதுள்ள 543 மக்களவை தொகுதிகளை 850 ஆக அதிகரிக்கும் திட்டமும் முன்வைக்கப்பட்டது.
இதற்காக, நாடாளுமன்றத்தின் சிறப்பு கூட்டம் நடைபெற்று,
- அரசியல் சாசன திருத்த மசோதா (131வது திருத்தம்) 2026
- தொகுதி மறுவரையறை மசோதா 2026
- யூனியன் பிரதேச சட்டங்கள் (திருத்தம்) மசோதா 2026
என மூன்று முக்கிய மசோதாக்கள் மக்களவையில் அறிமுகப்படுத்தப்பட்டன.
ஆனால், இந்த மசோதாக்களுக்கு காங்கிரஸ், சமாஜ்வாதி கட்சி, திமுக உள்ளிட்ட INDIA கூட்டணி கட்சிகள் தொடக்கம் முதலே கடும் எதிர்ப்பு தெரிவித்தன.
இதன் விளைவாக, மசோதாவுக்கு தேவையான ஆதரவு கிடைக்காமல், வாக்கெடுப்பில் அது தோல்வியடைந்தது.
இந்த விவகாரம் இந்திய அரசியலில் மீண்டும் பரபரப்பை ஏற்படுத்தியுள்ளது. பெண்களுக்கு அரசியல் பிரதிநிதித்துவத்தை அதிகரிக்கும் முயற்சிகள் தொடர வேண்டிய அவசியம் இருப்பதாக அரசியல் வட்டாரங்களில் கருத்து தெரிவிக்கப்பட்டுள்ளது.